Áfram blautt

Suðvestan 10-15 og skúrir í dag við Faxaflóa. Hiti 8 til 12 stig. Þetta segir í veðurspá Veðurstofu Íslands fyrir Faxaflóa og framundan eru blautir dagar, sem kemur svo sem ekki á óvart.
 
Veðurhorfur á landinu næstu daga
 
Á miðvikudag:
Sunnan 5-10, en 10-15 um landið norðvestanvert. Dálítil væta á sunnan- og vestantil, annars víða bjartviðri. Hiti 10 til 20 stig, hlýjast norðaustanlands. 
 
Á fimmtudag:
Suðvestan 3-10 og stöku skúrir, en skýjað með köflum á Norður- og Austurlandi. Hiti breytist lítið. 
 
Á föstudag:
Gengur í suðaustan 8-15 m/s með rigningu, en þurrt um landið norðaustanvert fram á kvöld. Hiti 10 til 22 stig, hlýjast á Norðausturlandi. 
 
Á laugardag og sunnudag:
Hæg suðlæg átt og væta með köflum, en úrkomulítið og hlýtt norðaustanlands.