Afmælishátíð í Samkaup Úrval í dag

Það verður mikið um að vera í verslun Samkaup Úrval í Njarðvík í dag en þar er afmælishátíð. Í versluninni verður lifandi tónlist og klukkan 15 verður afmælistertan skorin og viðskiptavinum boðið upp á kökusneið og kaffibolla. Klukkan 16:30 mun Jón Sigurðsson úr Idol keppninni taka lagið og árita nýjan geisladisk. Einnig verða á boðstólnum ýmsar kynningar á vörum frá Mjólkursamsölunni.

Í gær hófust Íslenskir dagar í verslunum Samkaupa Úrvals um allt land undir slagorðinu „Íslensk jól í Samkaupum úrvali“. Íslenskir dagar eru haldnir í samstarfi við landsátakið Veljum íslenskt – og allir vinna.

í verslunum Samkaupa úrvals verða merkingar auðkenndar átakinu og kynningarbásar fyrir íslenskar vörur en jólaundirbúningur mun setja sterkan svip á vöruúrval og alla framsetningu. Verslanir Samkaupa úrvals eru tólf talsins; á Akureyri, Dalvík, Siglufirði, Ólafsfirði, Húsavík, Ísafirði, Egilsstöðum, Selfossi, í Grindavík, Hafnarfirði, Borgarnesi og Njarðvík.

Íslenskir framleiðendur taka virkan þátt í Íslenskum dögum enda gefst gott tækifæri til að kynna neytendum áhugaverðar nýjungar og sýna styrk íslenskrar framleiðslu.

Lukkupottur Samkaupa úrvals
Þeir viðskiptavinir, sem velja íslenskt, geta dottið í lukkupottinn með því að skrifa nafn sitt og símanúmer aftan á kassakvittun og stinga henni í þar til gerðan kassa. Laugardaginn 27. nóvember verður dregið um glæsilegar gjafakörfur íslenskra framleiðenda og einn heppinn viðskiptavinur – sem valið hefur íslenskt – hlýtur ferð fyrir tvo að eigin vali til einhvers áfangastaðar Icelandair. 

Landsátakið Veljum íslenskt – og allir vinna er samvinnuverkefni Samtaka iðnaðarins, Alþýðusambands Íslands og Bændasamtakanna. Samstarfsaðili átaksins er Icelandair. Markmið átaksins er að vekja fyrirtæki, stofnanir og almenning til vitundar um mikilvægi íslenskrar framleiðslu og þess að velja íslenskt, bæði fyrir atvinnustig í landinu og verðmætasköpun.