Aðventublað VF kemur út á morgun - og bæði blöðin á netið!

Aðventu- og jólahandbók Víkurfrétta kemur út á morgun. Um er að ræða veglegt 40 síðna blað, troðfullt af skemmtilegu jólaefni í bland við jólagjafaauglýsingar verslana á Suðurnesjum.

Aðventublaðið og Víkurfréttir í þessari viku koma inn á vef Víkurfrétta á morgun í einni heild. Aðventublaðið var að fara til prentunar og fyrstu blaðamenn á vakt í fyrramálið munu vinna blöðin í vefvænar útgáfur.

Við biðjum unnendur blaðsins út um hinn stóra heim afsökunar á töfunum, en álag hefur verið mikið á starfsmenn Víkurfrétta síðustu daga. Vonandi verða allir ferskir í fyrramálið.