Aðilum í ferðaþjónustu boðið í vorferð um Reykjanes

Leiðsögumenn Reykjaness, Upplýsingamiðstöð Reykjaness og Atvinnuráð Reykjanesbæjar ætla að bjóða aðilum í ferðaþjónustu á Suðurnesjum í vorferð, fimmtudaginn 12. apríl.

Farið verður í rútuferð og ýmis fyrirtæki heimsótt.  Markmið ferðarinnar er að efla tengsl og stuðla að samstarfi á milli þeirra fjölmörgu aðila á Suðurnesjum sem eiga hagsmuna að gæta af aukinni aðsókn ferðamanna.  Í ferðinni verður leitast við að kynna starfsemi ferðaþjónustufyrirtækja.

Með auknu samstarfi aðila á Suðurnesjum er hægt að auka samkeppnishæfni svæðisins gagnvart öðrum landshlutum með það fyrir augum að auka umsvif og veltu í ferðaþjónustu á svæðinu.

Dagskrá

Kl. 11:00 - Duus hús                
Valgerður Guðmundsdóttir menningarfulltrúi Reykjanesbæjar tekur á móti hópnum og kynnir sýningarsali Duus húsa og kynnir menningartengda ferðaþjónustu í Reykjanesbæ, morgunkaffi í boði Kaffitárs.

Kl. 11:40 - Moby Dick       
Farið um borð í hvalaskoðunarskipið Moby Dick.
Starfsemi fyrirtækisins verður kynnt,  Helga Ingimundardóttir forstjóri.

Kl. 12:45 - Flösin, hádegisverður 
Hádegisverður      
Kynning á Byggðasafninu á Garðskaga, Ásgeir Hjálmarsson forstöðumaður.
Framtíðarhorfur í ferðaþjónustu í Garði,  Oddný Harðardóttir bæjarstjóri í Garði.
Uppbygging  Útskála, Björn Sveinn Björnsson sóknarprestur og staðarhaldari.

Kl. 14:15 - Fræðasetrið    
Kynning á sýningunni „Heimskautin heilla“  Reynir Sveinsson

Kl 15:30 - Reykjanesvirkjun     
“Móðir Jörð” Hitaveita Suðurnesja opnar sýningu í sumar, Þorgrímur Árnason kynnir sýninguna, léttar veitingar.

Kl. 17:30 - Grindavík      
Ekið í gegnum Grindavík, ferðaþjónustu í Grindavík, Óskar Sævarsson ferðamálafulltrúi Grindavíkur kynnir ferðaþjónustu í Grindavik.

Kl. 18:15 - Duus hús, endir  

Fyrirtæki eru hvött til að taka þátt og hafa gaman af. 

Skráning á þátttöku fer fram á  Upplýsingamiðstöð Reykjaness
[email protected]
síma 421 6777 & 893 8900