Aðeins sótt rafrænt um byggingarleyfi í Reykjanesbæ
Frá og með 1. nóvember 2019 verður einungis hægt að sækja um byggingarleyfi með rafrænum hætti í Reykjanesbæ. Umsækjendur þurfa að skrá sig inn á íbúagáttina Mitt Reykjanes. Til þess er að hægt að nýta Íslykil eða rafræn skilríki í síma.
Á undanförnum misserum hefur verið unnið að aukinni rafvæðingu stjórnsýslu Reykjanesbæjar til að gera þjónustuna enn skilvirkari með því að fækka milliliðum. Rafrænar umsóknir eru liðir í þeirri vinnu.
