Aðeins ein grein í Víkurfréttir á viku!

Nú liggur fyrir hversu mörg framboð bjóða fram til bæjarstjórna á Suðurnesjum. Framboðin eru samtals 17 talsins. Þetta þýðir það að Víkurfréttir hafa endurskoðað settar reglur um greinar í tengslum við sveitarstjórnarkosningarnar 2006.

Víkurfréttir taka nú aðeins eina grein frá hverju framboði til birtingar í prentútgáfu blaðsins. Greinarnar séu ekki lengri en 2000 slög (Caracters - no spaces) eða allt að 2500 slög með stafabilum (Caracters - with spaces). Lengd texta sem skrifaður er í Word má sjá undir Tools í Word Count.
Síðasti skilafrestur á greinum í blaðið er til kl. 15 á mánudögum. Allar aðrar greinar fara beint inn á vefútgáfu Víkurfrétta. Þess er óskað að greinahöfundar bóki birtingu greinar í síðasta lagi á föstudeginum fyrir næsta blað.

Víkurfréttir höfðu áður gert samkomulag við tvö stóru framboðin í Reykjanesbæ um birtingu tveggja greina í hverju blaði. Það samkomulag stendur í þessari viku en frá og með næsta blaði gilda sömu reglur um alla framboðslista á Suðurnesjum.

Næstu tölublöð Víkurfrétta koma út fimmtudagana 11. og 18. maí. Síðasta blað fyrir kosningar kemur hins vegar á miðvikudegi, 24. maí þar sem fimmtudaginn ber upp á uppstigningardag. Greinar í það blað þurfa að berast í síðasta lagi á hádegi föstudaginn 19. maí.

Páll Ketilsson, ritstjóri.
Hilmar Bragi Bárðarson, fréttastjóri.