Ábending frá lögreglu vegna færðar

Lögreglan vill benda þeim sem eru á leið til vinnu þessa stundina að talsverð ófærð er hingað og þangað um bæinn og bílar að festast um allan bæ og má búast við töfum vegna þessa.

Björgunarsveitir eru að boða út auka mannskap og Vegagerðin og starfsmenn Reykjanesbæjar eru á fullu við snjóruðning.

Lögreglan biður þá sem eru illa dekkjaðir að fara ekki af stað strax.

„Það eru allir á fullu við að greiða úr þessu en það er ljóst að það mun taka tíma að greiða úr þessu og biðjum við fólk að virða þetta. Ástandið er slæmt á Ásbrú sem og innanbæjar,“ segir í tilkynningu lögreglunnar.