Á leið til Hafnarfjarðar með togara í eftirdragi

Varðskip Landhelgisgæslunnar er nú nú á leið til Hafnarfjarðar með togarann Hrafn GK 111 í drætti. Haft var samband við stjórnstöð Landhelgisgæslunnar kl. 1:14 í nótt vegna togarans sem var með veiðarfæri í skrúfunni 90 sjómílur vestnorðvestur af Látrabjargi. Varðskip var í átta klst. fjarlægð frá togaranum og hélt þegar í stað til aðstoðar, að því er segir í fréttatilkynningu Landhelgisgæslunnar.Kafari er um borð í varðskipinu en aðstæður voru þannig að ekki var unnt að kafa niður að skrúfu togarans.

Frétt af vef Morgunblaðsins - mynd: Þorbjörn/Fiskanes