Á 146 kílómetra hraða

Lögreglan á Suðurnesjum hafði afskipi af nokkrum ökumönnum um og eftir helgina, sem brutu umferðarlög með einum eða öðrum hætti. Sex voru staðnir að hraðakstri og mældist sá sem þyngstan hafði bensínfótinn, karlmaður á þrítugsaldri, á 146 kílómetra hraða þar sem leyfilegur hámarkshraði er 90 kílómetrar á klukkustund. Annar ökumaður ók bíl á nagladekkjum í sumarblíðunni og fjórir ökumenn voru ekki með öryggisbelti spennt. Sex ökumenn virtu ekki stöðvunarskyldu.