92% Suðurnesjamanna lesa Víkurfréttir í hverri viku

92% Suðurnesjamanna lesa Víkurfréttir í hverri viku og tæplega helmingur íbúa Suðurnesja les blaðið tvisvar, þrisvar eða oftar samkvæmt skoðanakönnun Gallup sem gerð var 28. janúar til 5. apríl. Úrtak könnunarinnar var 1377 manns og var svarhlutfall 61,3%.
Að sögn Páls Ketilssonar ritstjóra Víkurfrétta eru þetta ótrúlegar tölur og sýna að Víkurfréttir er langsterkasti fjölmiðillinn á Suðurnesjum. „Það að einhver fjölmiðill hafi nær 100% snertingu er í sjálfu sér ótrúlegt. Það hlýtur að nálgast heimsmet. Þetta eru ánægjulegar niðurstöður og mikil hvatning fyrir starfsfólk Víkurfrétta að halda áfram á sömu braut í harðnandi samkeppni á íslenskum fjölmiðlamarkaði. Ég vil nota tækifærið og þakka Suðurnesjamönnum fyrir frábæra samvinnu og mikla tryggð í gegnum árin,“ sagði Páll Ketillson ritstjóri Víkurfrétta.