50% aukning á milli ára
Enn fjölgar farþegum í Vogastrætó
Alls ferðuðust 588 manns með Vogastrætó í september, en strætóinn ekur milli mislægu gatnamótanna við Reykjanesbraut og að Gamla Pósthússins í Vogum. Stöðug fjölgun farþega hefur verið allt frá upphafi, og því ljóst að Vogabúar kunna vel að meta þessa þjónustu. Heildarfarþegafjöldinn fyrstu níu mánuði ársins er rúmlega 4 þúsund, sem eru fleiri farþegar en allt árið 2013. Miðað við sömu mánuði ársins 2013 er aukningin árið 2014 milli ára 49%. Starfsemi Vogastrætó hófst sem tilraunaverkefni árið 2011 og hefur nú öðlast fastan sess í starfsemi sveitarfélagsins.
