375 skráðir atvinnulausir

Alls voru 375 einstaklingar skráðir atvinnulausir í byrjun mánaðar, sem er nokkuð meira en í janúarmánuði síðustu tvö árin. Sem fyrr eru fleiri konur atvinnulausar en karlar eða 245 á móti 130 körlum, skv. tölum frá Svæðisvinnumiðlun Suðurnesja.
Í janúar 2006 voru 242 skráðir atvinnulausir, 159 konur og 88 karlar. Það var ívið minna heldur en í janúar 2005 þegar 331 var skráður atvinnulaus eða 218 konur og 113 karlar.


Mynd: Iðnaðarmenn hafa ekki þurft að hafa áhyggjur af verkefnaskorti upp á síðkastið. VF-mynd: elg