30 ný störf í Grindavík í sumar

Vinnumálastofnun hefur samþykkt umsókn Grindavíkurbæjar um sérstakt atvinnuátak Skógræktarfélags Íslands en um er að ræða 20 störf í tvo mánuði. Jafnframt samþykkti Vinnumálastofnun sérstakt átaksverkefni vegna niðurrifs innandyra í Festi. Um er að ræða 10 störf í einn mánuð. Samtals er því um 30 störf að ræða.

Á heimasíðu Grindavíkurbæjar kemur fram að hugmyndir séu uppi um að fegra umhverfið í hlíðum Þorbjarnar og gróðursetja þar og hreinsa sem og ýmislegt fleira.

Alls eru rétt rúmlega 100 manns á atvinnuleysisskrá í Grindavík, eða um 3%.

Af vef Grindavíkurbæjar

Mynd: Af Þorbirni