27 milljónir í sjóvarnargarða við Voga

Á árinu 2007 er á samgönguáætlun fyrirhugað að veita tæplega 27 milljónum kr. til sjóvarnargarða í Sveitarfélaginu Vogum. Bæjarráð Voga fagnar því og bendir jafnframt á mikilvægi þess að haldið verði áfram að byggja upp sjóvarnir í sveitarfélaginu og vonast eftir áframhaldandi góðu samstarfi við Siglingastofnun í framtíðinni.

Bæjarráð lagði jafnframt til að framlag til sjóvarnagarða á fjárhagsáætlun ársins 2007 verði hækkuð úr 1 milljón króna í 3 milljónir króna til að standa straum af kostnaði sveitarfélagsins við verkin.