2600 tonn af loðnu og síld á land í Grindavík

Samtals bárust um 3100 tonn á land í Grindavík vikuna 19-25. nóvember. Þar af var landað um 525 tonnum af botnfiski og er afli svipaður og vikurnar á undan.
Fjórir stórir línubátar lönduðu í vikunni og lyftir það vikuaflanum aðeins. Oddeyrin náði í tvo síldartúra á Faxaflóasvæðinu í vikunni og Jón Sigurðsson í einn, en samtals var landað 2600 tonnum af síld og loðnu í vikunni.
Hrafn landaði um 8000 kössum af frystum afurðum í vikunni að verðmæti um 50 milljónir kr. og Hrafn Sveinbjarnarson landaði um 7600 kössum að verðmæti 42 milljónir kr. Hrafn fór út á
laugardaginn en kom fljótt inn aftur vegna bilunar og fór aftur út á miðvikudaginn. Hrafn Sveinbjarnarson fór út sl. þriðjudagskvöld og eru þetta síðustu túrar skipanna á þessu ári.