24 kærðir fyrir of hraðan akstur um helgina

Lögreglan á Suðurnesjum kærði 24 ökumenn fyrir of hraðan akstur um helgina. Sá þeirra sem hraðast ók var kona á fertugsaldri og mældist bifreið hennar á 146 kílómetra hraða á Reykjanesbrautinni, þar sem hámarkshraði er 90 kílómetrar á klukkustund.

Annar ökumaður var, auk hraðakstursins, kærður fyrir að aka á nagladekkjum og sá þriðji, sem ók of hratt hafði neytt áfengis, en var undir áfengismörkum og var því gert að hætta akstri.  Loks var einn ökumaður tekinn grunaður um ölvun við akstur.