196 keppendur í stærfræðikeppni grunnskólanema

Stærðfræðikeppni grunnskólanema var haldin í sjötta sinn 26. febrúar. Fjölbrautaskóli Suðurnesja heldur keppnina og hefur hún alltaf verið í samvinnu við Flensborgarskólann í Hafnarfirði en þaðan kemur keppnin. Tilgangur keppninnar er að auka áhuga nemenda á stærðfræði og efla samstarf við grunnskóla á svæðinu og síðast en ekki síst að hafa gaman að þessu.Keppendur í stærðfræðikeppninni hafa aldrei verið fleiri en nú og tóku 196 nemendur þátt í keppninni frá öllum byggðarlögum á Suðurnesjum og var skipting milli kynja nokkuð jöfn 95 stelpur og 101 strákur. Keppendur voru 67 í 8. bekk, 79 í 9. bekk og
50 í 10. bekk.
Sl. þriðjudag veitti Fjölbrautaskóli Suðurnesja viðurkenningarskjöl fyrir tíu fyrstu sætin í hverjum árgangi. Soffía Ólafsdóttir þjónustustjóri Íslandsbanka í Keflavík veitti nemendum í þremur efstu sætunum peningaverðlaun, 15.000 kr fyrir fyrsta sætið, 10.000 kr fyrir annað sætið og 5.000 kr fyrir þriðja sætið, en Íslandsbanki hefur verið styrktaraðili keppninnar frá upphafi. Ennfremur gefur Verkfræðistofa Suðurnesja þeim keppendum sem lenda í þremur efstu sætunum grafiskan vasareikni af CASIO gerð sem hægt er að nota bæði í framhaldsskóla sem og háskóla.
Eftir afhendingu viðurkenninga og myndatökur var öllum boðið upp á kaffi, gos og meðlæti.

Keppnin nú var nokkuð jöfn en verðlaunahafar voru eftirfarandi:
10. bekkur
Þóra Björg Sigurþórsdóttir, Heiðarskóli
Þórunn Kristín Kjærbo, Grunnskóli Sandgerðis
Anna Andrésdóttir, Njarðvíkurskóli
9. bekkur
Alexander Veigar Þórarinsson, Grunnskóli Grindavíkur
Bogi Rafn Einarsson, Grunnskóli Grindavíkur
Dína María Margeirsdóttir, Grunnskóli Grindavíkur
8. bekkur
Sara Sigurðardóttir, Grunnskóli Grindavíkur
Berglind Anna Magnúsdóttir, Grunnskóli Grindavíkur
Halldís Thoroddsen

Mynd: Verðlaunahafar í Stærðfræðikeppninni ásamt Soffíu Ólafsdóttur, Sighvati Gunnarssyni viðskiptastjóra bankans, Ólafi Arnjörnssyni skólameistara FS og Kristjáni Ásmundssyni kennara.