191 án atvinnu á Suðurnesjum í mars

Vinnumálastofnun hefur birt yfirlit yfir atvinnuástand í mars 2002. Meðalfjöldi atvinnulausra á Suðurnesjum var 191 í mars eða um 2,4% sem er sama og var í febrúar s.l.Atvinnulausum konum hefur fækkað um 4 að meðaltali milli mánaða en atvinnulausum körlum fjölgað um fjóra. Atvinnuleysi kvenna mælist nú 3,3% en var 3,5% í febrúar s.l. Atvinnuleysi karla mælist nú 1,7% en var 1,6% í febrúar s.l. Atvinnuleysi á landsbyggðinni minnkar um 6,9% milli mánaða. Frá þessu er greint á vef Reykjanesbæjar.