1800 tonn af loðnu til Keflavíkur

Börkur NK kemur í dag með 1800 tonn af loðnu til Keflavíkur. Þetta er stærsti loðnufarmur sem þar hefur verið landað.Það er Barðsnes hf. í Sandgerði sem kaupir loðnuna. Henni verður ekið frá Keflavíkurhöfn og í tanka við Njarðvíkurhöfn. Þar hefur Barðsnes hf. tekið á leigu geymslurými fyrir 10.000 tonn af loðnu sem verður unnin þegar hefðbundinni vertíð er lokið. Björn Stefánsson hjá Barðsnesi sagði í samtali við Víkurfréttir að greiddar væru 4000 krónur fyrir tonnið.