18 manns brotlegir við umferðarlög

Alls voru það 18 manns sem gerðust brotlegir við umferðarlög í umdæmi lögreglunnar í Keflavík í gær og nótt.

Sex ökumenn voru kærðir í gærdag fyrir að nota ekki bílbelti við akstur í umdæmi lögreglunnar í Keflavík. Þá voru tveir ökumenn kærðir fyrir að tala í farsíma án handfrjáls búnaðar, fjórir kærðir fyrir of hraðan akstur og einn fyrir að virða ekki stöðvunarskyldu. Að lokum var svo einn ökumaður stöðvaður fyrir að aka bifreið sviptur ökuréttindum.

Á næturvakt lögreglunnar í Keflavík voru fjórir kærðir fyrir of hraðan akstur svo það eru þónokkrir ökumenn sem eiga von á fjársektum frá Sýslumannsembættinu.