18 ára á ofsahraða

Lögreglan á Suðurnesjum stöðvaði í gærkvöldi  þrjá  ökumenn fyrir of hraðan akstur á Reykjanesbraut.  Sá sem ók hraðast var ökumaður á 18. aldursári sem mældist á  179 km á klst.  Hann var færður á lögreglustöðina þar sem hann var sviptur ökuréttindum til bráðabirgða.  Líklegt er að mál hans fari fyrir dómstóla, þar sem sektarreglugerðin nær ekki yfir svo mikinn hraða.