17 þúsund skora á stjórnvöld vegna HS Orku

Sautján þúsund Íslendingar hafa nú skrifað undir áskorun til stjórnvalda þess efnis að komið verði í veg fyrir söluna á HS Orku til Magma Energy. Undirskriftasöfnunin hefur staðið yfir um tíma. Einnig er skorað á stjórnvöld að efna til þjóðaratkvæðagreiðslu um auðlindir landsins og nýtingu þeirra. Söngkonan Björk Guðmundsdóttir mun afhenda stjórnvöldum undirskriftalistann innan tíðar, samkvæmt því er fram kemur í fréttatilkynningu.