17. júní í Reykjanesbæ

Mikið var um manninn í Skrúðgarðinum í Keflavík en þar fóru fram 17. júní hátíðarhöldin í dag. Búið var að koma fyrir stóru sviði í garðinum og var þar hægt að sjá og heyra í ýmsum söngatriðum og ávörpum í tilefni dagsins. Í garðinum var einnig búið að koma fyrir hoppköstulum og trampólínum sem var hvað vinsælast hjá ungu kynslóðinni. Trúðar léku einnig á alls oddi og sýndu listir sínar fyrir fólkið.

Veðrið í dag skemmdi ekki fyrir hátíðarhöldunum en margir nutu sólarinnar niður í Skrúðgarði í dag. Í tilefni dagsins var tjörnin fyllt af vatni og léku krakkar sér við bakkann og kældu sig.

Ljósmyndarar Víkurfrétta léku á alls oddi en á netið er komið fyrsta myndasafnið af nokkrum frá 17. júní hátíðarhöldunum í Reykjanesbæ.

Hægt er að nálgast myndasafnið hér.

VF-myndir: Atli Már