165 þúsund safnaðist í Metabolic

Síðasta laugardag var góðgerðartími í Metabolic á vegum Styrktarþjálfun.is og Heilsuskóla Keilis. Það voru þeir Helgi Guðfinnsson og Sævar Borgarsson sem stýrðu tímanum en markmiðið var að safna peningum fyrir Velferðarsjóð Suðurnesja.

Alls söfnuðust 35 þúsund krónur í tímanum í frjálsu framlagi einstaklinga. Heilsuhótel Íslands, Kadeco, HS orka og aðrir sem vildu ekki láta sín getið lofsömuðu framtakið og tvöfölduðu upphæðina. Alls söfnuðust því 165 þúsund krónur fyrir sjóðinn út frá Metabolic tímanum en þeir Helgi og Sævar byrja með nýtt Metabolic námskeið 5. september.

Hannes Friðriksson tók við peningunum fyrir hönd Velferðarsjóðs Suðurnesja og þakkaði við tækifærið öllum þeim sem lögðu sjóðnum lið.