11 ára Íslandsmeistari í harmonikuleik

Sigmar Marijón Friðriksson 11 ára harmonikunemandi við Tónlistarskóla Reykjanesbæjar, sigraði í harmonikukeppni Sambands íslenskra harmonikuunnenda (S.Í.H.U.) sem haldin var í Garðabæ s.l. laugardag.

Sigmar keppti þar í flokki 12 ára og yngri í keppni til Íslandsmeistara og Sigmar ber því titilinn „Íslandsmeistari í harmonikuleik 2013,“ í sínum aldursflokki. Kennari Sigmars Marijóns er German Khlopin. Frá þessu er greint á heimasíðu Reykjanesbæjar.