070707 á Garðskaga næsta sumar

Sólseturshátíðin verður haldin á Garðskaga þann 7. júlí næsta sumar eða 07.07.07 ef tillaga ferða- og menningarnefndar fær hljómgrunn hjá bæjarstjórn Garðs.
Framkvæmd hátíðarinnar er mikið verk og rætt var í nefndinni að hefja undirbúning strax í janúar á næsta ári og bent var á nauðsyn þess að ráða starfsmann tímabundið til að sjá til þess að allir þræðir gengju upp.

Fleiri hátíðir í Garði eru á teikniborði nefndarinnar. Þannig er til skoðunar að hlada Þorravikivaka á þorranum og Fjölmenningarhátíð næsta haust.
Á afmælisári bæjarins yrði um fleiri atburði að ræða, tónleika o.fl.

Nefndin vonast til að í framtíðinni verði bæði sólseturshátíð og aðrar uppákomur sem mest sjálfbærar kostnaðrlega séð, vinna þarf meira í að fá kostunaraðila.