HS gerir samning við Kadeco vegna dreifikerfa

Stjórn Hitaveitu Suðurnesja hefur staðfest samning við KADECO um kaup og yfirtöku á veitukerfum vatnsveitu og rafveitu á svæði félagsins á Vallarheiði sem undirritaður var 23. apríl síðastliðinn.

Samningar höfðu staðið yfir um nokkurt skeið en HS hf hefur annast alla þjónustu við veitukerfin frá þeim tíma að Bandaríkjaher hvarf af svæðinu. Í hönd fara uppbyggingartímar þar sem leggja þarf nýtt 50-riða dreifikerfi raforku á svæðinu og gera ýmsar endurbætur á vatnsveitu.

Endurbætur á raforkukerfinu þarf að vera lokið fyrir 1. október 2010 og verður unnið að þeim í náinni samvinnu við KADECO og þess gætt sérstaklega að viðskiptavinir verði sem minnst varir við endurnýjunina. Smátt og smátt mun því 60-riða kerfi sem Bandaríkjaher notaði leggjast af á svæðinu, segir á heimasíðui HS.

Mynd/Oddgeir Karlsson - Vallarheiði.