xR - Reykjanesbæjarlistinn - Hyllir undir nýtt framboð í Reykjanesbæ

Nú er hafin undirbúningsvinna fyrir nýtt framboð í Reykjanesbæ sem mun heita Reykjanesbæjarlistinn. Eitt af baráttumálum framboðsins verður að setja pressu á núverandi stjórnvöld til að fara að líta hingað suðureftir gagnvart atvinnuuppbyggingu á svæðinu.

Sú stefna bæjaryfirvalda að byggja hér ný hverfi sem rúma eigi allt að 5.000,- manns, næstu 3 árin, gengur ekki upp án tryggrar afkomu einstaklinganna til framtíðar, samhliða uppbyggingunni.

Þau stjórnmálaöfl sem verða, óbreytt, áfram í framboði fyrir næstu sveitastjórnakosningar, eru ekki trúverðug til að ná betri árangri á næsta kjörtímabili , en því sem nú er að líða, vegna tengsla sinna við ríkisstjórn og stefnu hennar í landsbyggðarmálum.

Talsmaður Reykjanesbæjarlistans er Baldvin Nielsen og eru þeir sem áhuga hafa, hvort heldur háðir eða óháðir og tilbúnir að leggja hönd á plóg, boðnir velkomnir til starfa.

Fyrir hönd Reykjanesbæjarlistans
(Rnb-listinn).
Baldvin Nielsen
Reykjanesbæ.
S: 8653821
Netpóstfang: [email protected]