Vonandi ekki önnur afsökunarbeiðni frá bæjarstjóranum
Á síðasta bæjarstjórnarfundi fyrir jól bað bæjarstjóri Reykjanesbæjar undirritaðan, og aðra bæjarfulltrúa, afsökunar á þeim vinnubrögðum sem viðhöfð voru við gerð fjárhagsáætlunar fyrir árið 2004. Tilefni afsökunarbeiðninnar var að í umræðum um fjárhagsáætlunina beindi ég gagnrýni minni annars vegar að forminu, þ.e. þeim vinnubrögðum sem viðhöfð voru af hálfu meirihluta sjálfstæðismanna við fjárhagsáætlunargerðina, og hins vegar innihaldinu, þ.e. hversu mikil umframkeyrsla er áætluð í rekstri sveitarfélagsins og tengdra stofnanna á árinu 2004.
Bæjarstjóri brást við gagnrýni minni á formið og vinnubrögðin með fyrrgreindum hætti, með því að viðurkenna að menn hefðu átt að gera betur og biðjast afsökunar á því. Hann taldi hins vegar gagnrýni mína á hallarekstur sveitarfélagsins ekki réttmæta. Ef við hins vegar lítum á líklegar niðurstöðutölur í rekstri Reykjanesbæjar fyrir nýliðiðið ár, 2003, er allt útlit fyrir að 600-700 milljónir, af þeim 3.3 milljörðum sem fengust fyrir sölu eigna á því ári, verði varið í að fjármagna hallarekstur bæjarsjóðs á árinu 2003. Það þýðir að nær 20% af eignum bæjarins verði ráðstafað í hallarekstur á einu ári. Ef þannig verður áfram haldið á spilum er útlit fyrir að allar eignir bæjarins verði búnar á næstu 5-6 árum. Það getur ekki talist góð fjármálastjórn.
Vonandi þarf bæjarstjórinn ekki leggja fram aðra afsökunarbeiðni í lok yfirstandandi kjörtímabils fyrir bæjarstjórn og bæjarbúa og þá vegna þess að búið verður að ráðstafa stærstum hluta eigna bæjarins í fjármögnun rekstrarhalla sem meirihluti sjálfstæðismanna, undir forystu bæjarstjórans, ber ábyrgð á. Vonandi ekki.
Kveðja
Kjartan Már Kjartansson,
bæjarfulltrúi Framsóknaflokksins og
viðskiptafræðingur MBA
Bæjarstjóri brást við gagnrýni minni á formið og vinnubrögðin með fyrrgreindum hætti, með því að viðurkenna að menn hefðu átt að gera betur og biðjast afsökunar á því. Hann taldi hins vegar gagnrýni mína á hallarekstur sveitarfélagsins ekki réttmæta. Ef við hins vegar lítum á líklegar niðurstöðutölur í rekstri Reykjanesbæjar fyrir nýliðiðið ár, 2003, er allt útlit fyrir að 600-700 milljónir, af þeim 3.3 milljörðum sem fengust fyrir sölu eigna á því ári, verði varið í að fjármagna hallarekstur bæjarsjóðs á árinu 2003. Það þýðir að nær 20% af eignum bæjarins verði ráðstafað í hallarekstur á einu ári. Ef þannig verður áfram haldið á spilum er útlit fyrir að allar eignir bæjarins verði búnar á næstu 5-6 árum. Það getur ekki talist góð fjármálastjórn.
Vonandi þarf bæjarstjórinn ekki leggja fram aðra afsökunarbeiðni í lok yfirstandandi kjörtímabils fyrir bæjarstjórn og bæjarbúa og þá vegna þess að búið verður að ráðstafa stærstum hluta eigna bæjarins í fjármögnun rekstrarhalla sem meirihluti sjálfstæðismanna, undir forystu bæjarstjórans, ber ábyrgð á. Vonandi ekki.
Kveðja
Kjartan Már Kjartansson,
bæjarfulltrúi Framsóknaflokksins og
viðskiptafræðingur MBA
