Vetrarstarfið að hefjast í Njarðvíkurprestakalli
Nú er vetrarstarfið að hefjast að fullum krafti í kirkjum Njarðvíkurprestakalls og hefst það formlega n.k. sunnudag kl.11. með fjölskylduguðsþjónustu í Ytri-Njarðvíkurkirkju og sunnudagaskóla sem verður síðan á hverjum sunnudegi í vetur í kirkjunni kl.11. en hann er í umsjá þeirra Ástríðar Helgu Sigurðardóttur, Hönnu Vilhjálmsdóttur, Maríu Rutar Baldursdóttur og Natalíu Chow Hewlett.Spilakvöld aldraðra og öryrkja hefjast 21. sept. kl.20. Í Njarðvíkurkirkju í Innri-Njarðvík verður sunnudagaskóli á hverjum sunnudegi í vetur kl.11. árd. Umsjón með honum hafa Laufey Gísladóttir og Elín Njálsdóttir sem starfað hafa við sunnudagsskóla í mörg ár og með þeim verða Dagmar Kunáková organisti kirkjunnar og Kristjana Gísladóttir.
Fyrsti sunnudagskólinn verður 17.sept. n.k.Foreldramorgnar verða á þriðjudögum í Safnaðarheimili Njarðvíkurkirkju frá kl.10-12 og verða þeir í umsjá Erlu Guðmundsdóttur guðfræðings. Stefnt er að sunnudagaskóla í Kirkjuvogskirkju í Höfnum. Kórar eru starfandi við báðar kirkjurnar og eru æfingar að hefjast og eru áhugasamir hvattir til að hafa samband við þær Natalíu Chow organista Ytri-Njarðvíkurkirkju í síma 5551346 - 6994613 eða organista Njarðvíkurkirkju Dagmar Kunáková 4210071 -8462126.Hvetjum við svo foreldra og börn til að mæta í kirkjuna sína n.k. sunnudag kl. 11. og taka þátt í vetrarstarfinu frá upphafi.
Baldur Rafn Sigurðsson
sóknarprestur Njarðvíkuprestakalls.
