Vetraráætlun British Airways tekur brátt gildi

Vetraráætlun British Airways á flugleiðinni Keflavík – London tekur gildi sunnudaginn 29. október og verður fjölda vikulegra ferða fækkað úr fimm í fjórar meðan hún gildir auk þess sem brottfarartími breytist. Vetraráætlunin gildir á tímabilinnu 29. október 2006 til 24. mars 2007 og verður flogið á mánudögum, fimmtudögum, föstudögum og sunnudögum. Brottför frá Keflavík verður í vetur kl. 12.25 og kl. 8.20 frá Gatwick.
Verð og þjónusta skipta máli
Í lok júlí jók British Airways framboð lágra fargjalda verulega milli Gatwick flugvallar og fjölda annarra áfangastaða í Evrópu og má nú fljúga milli Keflavíkur og London fyrir aðeins 6.045 krónur að sköttum meðtöldum. Þaðan má svo fljúga áfram fyrir svipaða upphæð til fjölda áfangastaða Í Evrópu.
Til fjölda borga fyrir um 10 þúsund
Til dæmis er nú hægur vandi að fljúga með British Airways fyrir um tíu þúsund krónur (með sköttum) frá Keflavík til Amsterdam, Barcelóna, Genfar, Madrídar, Marseille, Nice, Riga, Toulouse, Bologna, Krakár, Napoli, Písa, Split, Salzborgar, Feneyja, Vilnius, Veróna, Lúxemborgar og fleiri spennandi áfangastaða. Tíu þúsund krónur að sköttum meðtöldum fyrir farmiða hjá flugfélagi sem veitir frían mat og drykk um borð.

Nánari upplýsingar eru að finna á vef British Airways, ba.com.

Nánari upplýsingar veita Sam Heine, viðskiptastjóri British Airways í Skandinavíu og á Íslandi, í síma +45 4058 1999, netfang [email protected] og Bolli Valgarðsson hjá upplýsingaskrifstofu British Airways á Íslandi, GCI, í síma 898 5131, netfang [email protected].

Fréttatilkynning frá British Airways 4. október 2006