Vestmannaeyjar komast á kortið – skref fram á við

Það er frábært að Flugfélag Íslands skuli hefja  aftur áætlunarflug til Eyja Samtakamáttur Eyjamanna með Sigmund Einarsson í broddi fylkingar, barátta markaðsfulltrúa og samstaða bæjarstjórnar fyrrverandi og núverandi hefur skilað árangri. Samgöngur skipta Eyjamenn öllu máli. Í ferðaþjónustunni býr mikill vaxtarbroddur Það er því mikið gleðiefni að samgönguyfirvöld viðurkenndu loksins þörf á niðurgreiðslu flugs til Eyja. Það er líka fagnaðarefni að flugvélaflotinn sé slíkur að hægt verður að flytja hópa úr Reykjavík til Eyja. og hefja markvissa uppbyggingu í ferðamálum. Áfram verður full þörf á Bakkaflugi. Þar sem sameiginlegir hagsmunir Suðurlands fara saman. Í nýgerðum Vaxtarsamningi við Suðurland er mikil áhersla lögð á ferðþjónustu og samstarf milli aðila.  Með ríkisstyrktu flugi til Vestmannaeyja og Hornafjarðar , góðum flugvélakosti og samstarfi ferðaþjónustuaðila í kjördæminu eru okkur allir vegir færir. Ferðaþjónustu á landsbyggðinni er hægt að stórefla og lengja ferðamannatímabilið. Samgöngur skipa þar stóran sess Með samvinnu og samstarfi er allt hægt. Samstaða Reyknesinga færði þeim úrbætur á Keflavíkurveginum. Samstaða SASS færir okkur úrbætur á Suðurlandi. Það var gæfuspor Vestmannaeyinga að tengja sig fastalandinu og ganga í samtök sunnlenskra sveitrarfélaga –SASS Reykjanes og Hornafjörður hafa tengst SASS með því að mæta á þing samtakanna vonandi er hægt að tengja þessi svæði enn betur saman.

Ég barðist fyrir endurkomu Vestmannaeyjabæjar í SASS og er stolt af þeirri baráttu. Ég er líka stolt af samtakamætti Eyjamanna og því framfaraspori sem stigið er í ferðamennsku og búsetuskilyrðum í Vestmannaeyjum.

Sveitarfélögin í kjördæminu eiga flest undir högg að sækja. Ég er að bjóða fram krafta mína til þess að stuðla að öflugri og betri byggð í kjördæminu.

Guðrún Erlingsdóttir
Höfundur sækist eftir 3.-4. sæti á lista Samfylkingarinnar í Suðurkjördæmi