VERÐUR KVÓTAKERFINU BREYTT?

Hér fyrrum tengdu kjósendur Framsóknarflokkinn einkum troðjúgra kúm er fetuðu traðirnar heim til bæja þar sem fornar hetjusögur af Hriflu-Jónasi runnu ofaní bændur og búalið með spenvolgri nýmjólkinni.En nú er kveðinn annar óður. Engir ku nú draga þorska úr sjó með hagkvæmari hætti en Framsóknarmenn enda trúa þeir því að árgæska fyrir tilstilli kvótakerfisins sé nú meiri til lands og sjávar en áður hafi þekkst.Því er það að mér finnst að höggvi nú sá er hlífa skyldi er Hjálmar Árnason skrifar grein í Suðurnesjafréttum undir fyrirsögninni “Kvótakerfinu verður breytt.” Að vísu finnst lesanda að fyrirsögnin boði kannski ekki stórtíðindi því höfundur segir í upphafi að á kvótakerfinu hafi þegar verið gerður tugur breytinga.Hitt er öllu merkilegra að samkvæmt skoðun Hjálmars hefur umræddur tugur breytinga allur verið til þess gerður að skapa um kvótakerfið sátt.Afleiðingar þessarar sáttagerðar eru þær að í öllum kjördæmum landsins kraumar óánægja og nú hefur verið stofnaður flokkur til höfuðs þessari kvótakerfisómynd.En sem betur fer er það svo að þegar gjörvallur landslýður liggur meinvilltur myrkrunum í er ennþá von spámanna. Og Hjálmar segir í grein sinni: Kjarni málsins er sá að ríkissjóður, fólkið í landinu, fái hagnaðinn af verslun með heimildirnar einar og sér.”Nú var það svo að þegar kvótakerfið var sett var tilgangurinn ekki sá að skapa tekjustofn fyrir ríkið heldur að koma í veg fyrir ofveiði fiskistofna. Framkvæmd kerfisins hefur hinsvegar klúðrast með þeim hætti að menn hafa neyðst til þess að kasta sífellt stærri hluta af veiddum þorski. Allir þeir er til þekkja vita að fiski sem drepst í netum er kastað, þorski sem er undir þrem til fjórum kílóum er kastað, sé þorskvóti uppurinn er öllum þorski kastað. Brottkast afla leiðir augljóslega til þess að landaður afli, sem er grundvöllur útreikninga, er önnur stærð en veiddur fiskur. Brottkast afla skekkir því ekki aðeins alla útreikninga heldu er hann einnig siðlaus sóun verðmæta. Þessi sóun hverfur ekki þótt nú, kortéri fyrir kosningar, sé boðuð skattheimta af þeim milljarðahagnaði sem kvótaeigendum hefur verið gefinn undanfarin ár.Hjálmar Árnason segir um Samfylkinguna að erfitt sé að vita hver ræður för talsmaðurinn Margrét eða stjórnarmaður Granda, Ágúst Einarsson.” Um hitt blandast engum hugur hver ræður för í Framsóknarflokknum Halldór Ásgrímsson formaður og kvótaeigandi eða Hjálmar Árnason.Sigríður Jóhannesdóttiralþingismaður.