Utanríkisráðherra í Reykjanesbæ

Geir H. Haarde, utanríkisráðherra og formaður Sjálfstæðisflokksins, hóf ferð sína um landið í gær er hann fundaði með fulltrúum Sjálfstæðisflokksins í Vestmannaeyjum.

Er Geir að efna til funda með trúnaðarmönnum flokksins; formönnum og stjórnarmönnum flokksfélaga, fulltrúaráða og kjördæmisráða, sveitarstjórnarmönnum og þingmönnum.

Í kvöld kl. 20:00 verður Geir í Reykjanesbæ þar sem hann mun funda með sínum flokksbræðrum í Sjálfstæðishúsinu að Hólagötu 15 í Njarðvík.