Upphaf háskólanáms á Suðurnesjum

Af gefnu tilefni er rétt að það komi fram að undirritaður fór ásamt Hjálmari Árnasyni þingmanni til Akureyrar í apríl 1999. Ferðin var farin í nafni Markaðs- og atvinnumálaskrifstofu Reykjanesbæjar (MOA ) og tilgangurinn var að fá Háskólann á Akureyri til að hefja fjarnámskennslu á háskólastigi hér á Suðurnesjum. Undirrituð var viljayfirlýsing um að hafin yrði fjarkennsla í hjúkrunarfræði á Suðurnesjum haustið 1999.Háskólinn á Akureyri stóð ekki við gefin fyrirheit um haustið en síðan tókst MSS undir stjórn Skúla Thor að berja málið í gegn og námið hófst ári seinna um haustið 2000.

Háskólanám á Suðurnesjum er mesta nýsköpunin sem hér hefur átt sér stað á undanförnum árum og verður seint ofmetin.

Friðjón Einarsson
fv. framkvæmdastjóri MOA