Trúnaðarmannafundur hjá STFS

Starfsmannafélag Suðurnesja hefur boðað til fundar með trúnaðarmönnum félagsins sem starfa hjá sveitarfélögunum á Suðurnesjum. Fundurinn verður haldinn á Flughótelinu miðvikudaginn 1. mars kl. 16.00.

Á fundinum verður rætt um samþykktir sveitarfélaganna á heimild sem Launanefnd hefur gefið þeim til hækkunar á lægstu launum. Þá verður einnig rætt um seinagang Launanefndar við starfsmatsvinnuna.
Trúnaðarmenn félagsins eru hvattir til að mæta á fundinn.