Traffic harmar auglýsingu um Klámkvöld

Eigandi og starfsfólk skemmtistaðarins Traffic biðjast innilegrar afsökunar á auglýsingu skemmtunar sem átti að vera laugardaginn 21. janúar nk. Viðurkenna aðilar að auglýsingin sem birtist hafi verið í grófari kantinum og munu aðilar taka tillit til þess framvegis að gæta skal að hvað er verið að auglýsa og hvað ekki.

Með þessum orðum er Klámkvöldi sem auglýst er á Traffic aflýst.
Eigandi og starfsfólk staðarins munu hér með taka orð móður, sem skrifaði grein til vf.is, til sín og framvegis gæta að og einblína á jafnrétti kynjanna og sjá til þess að „virðing sé borin fyrir báðum kynjunum og þeim gert jafn hátt undir höfði“.

Með kærri þökk,
eigandi og starfsfólk Traffic.