Tólf sporin – Andlegt ferðalag í Keflavíkurkirkju

Boðið verður upp á Tólf spora starf í Keflavíkurkirkju í vetur. Við hvetjum ykkur til að koma og kynna ykkur þetta samfélag sem opnað hefur mörgum nýja sýn á lífið.

Fyrsti fundur verður í Kirkjulundi fimmtudaginn 29. September kl. 19:00. Þar gefst tækifæri til að kynna sér hvernig Tólf sporin eru unnin í kirkjunni.

Fundirnir verða vikulega kl. 19:00 til 21:00 og er farið yfir kynningarefnið á fyrstu fjórum fundunum en á fjórða fundi er hópunum lokað og fleirum ekki bætt við í það skiptið.

Kirkjan býður þátttakendum upp á þetta starf þeim að kostnaðarlausu utan þess að þeir þurfa að greiða fyrir vinnubók sem kostar kr. 2.900.-.

Kirkjan okkar! það er gott að hugleiða hvað kirkjan okkar merkir. Við erum kirkjan og eigum saman kirkjuhúsið og safnaðarheimilið. Það er enginn til þess að annast um kirkjuna nema við sjálf. Við gæðum hana lífi og vináttu með því að koma þar saman og njóta samverustundanna. Látum kirkjuna vera okkar annað heimili.

Upplýsingar um Tólf spora námskeiðið veitir: María Hauksdóttir í símum 864-5436 og 421-5181 og einnig starfsfólk Kirkjulundar í síma 420-4300.