Tillaga um hvort námsstyrkir séu sambærilegir í öðrum sveitarfélögum

Kjartan Már Kjartansson, oddviti framsóknarflokks lagði fram þá tillögu um að kanna hvort fyrirliggjandi tillögur skóla- og fræðsluráðs Reykjanesbæjar, að reglum um námsstyrki fyrir starfsmenn Reykjanesbæjar sem stunda fjarnám á háskólastigi til grunnskóla, leikskóla eða tónlistakennaraprófs, samhliða starfi, séu sambærilegar og í öðrum sveitarfélögum. Þá óskaði Kjartan einnig eftir því að bæjarstjóri beri saman forgang kennaranema að leikskólaplássum fyrir börn sín og sérstaka tímabundna niðurgreiðslu dagvistargjalda.Í greinagerð sem Kjartan lét fylgja með kom fram að kennarar í fjarnámi höfðu að undanförnu komið að máli við hann og haldið því fram að kennaranemar úr öðrum sveitarfélögum, til dæmis Akureyri, búi við betri kjör og aðstæður en kennaranemar úr Reykjanesbæ með tilliti til forgangs að leikskólum og tímabundnar niðurgreiðslur dagvistargjalda á meðan námi stendur. Samþykkt var að fela bæjarstjóra að kann þær upplýsingar sem liggja fyrir um bókunina.