Tillaga lögð fram um að Kristján verði í 4. sæti

Samkvæmt heimildum Víkurfrétta verður lögð fram tillaga á fundi kjördæmisráðs Sjálfstæðisflokksins í Suðurkjördæmi um að Kristján Pálsson taki 4. sæti á framboðslistanum. Samkvæmt tillögunni er gert ráð fyrir að Árni Ragnar Árnason verði í 1. sæti, Drífa Hjartardóttir í 2. sæti, Kjartan Ólafsson í 3. sæti og eins og áður segir Kristján Pálsson í 4. sæti. Samkvæmt þessari tillögu er gert ráð fyrir Guðjóni Hjörleifssyni í 5. sæti og Böðvari Jónssyni í 6. sæti. Hart er nú tekist á um tillögu kjörnefndar, en samkvæmt heimildum Víkurfrétta er ekki enn búið að greiða atkvæði um tillöguna.