Til Garðmanna
Þann 25. maí n.k. fara fram sveitarstjórnarkosningar á Íslandi. Ég, Hrafnhildur S. Sigurðardóttir, skipa 2. sæti á framboðslista H-listans í Garði. Ég starfa sem afgreiðslustjóri í Landsbanka Íslands í Leifsstöð og hef starfað þar í um 20 ár. Ég er gift Halldóri Einarssyni og eigum við fjögur börn. Þetta skrifar Hrafnhildur í grein til Víkurfrétta í dag.Ég tel það mikil forréttindi að fá tækifæri til að vinna að málefnum Gerðahrepps, með reyndu fólki sem hefur sýnt í verki getu sína, áhuga og metnað til að Garðurinn geti mætt óskum okkar og þörfum. Ástæða þess að ég býð mig fram er áhugi minn á framtíð okkar, hvaða þróun byggðarlagið okkar tekur. Ég er bjartsýn og þess fullviss að reynsla mín og réttlætiskennd mun nýtast vel.
H-listinn hefur mikinn metnað og leggur mikla áherslu á að öll þróun og ákvörðunartaka verði markviss og að fagleg vinnubrögð séu í hávegum höfð. Ég treysti fulltrúum okkar til að standa að málum með þeim hætti.
Uppbygging leikskólans tókst í alla staði mjög vel og er þar unnið afar gott og mikilvægt starf, biðlisti hefur nú myndast enn á ný og huga þarf að því að eyða honum. Starfsemi leikskólans er með þeim hætti að hann þarf að vera í sífelldri endurskoðun. Leikskólamál eru ofarlega í hugum H-listamanna.
H-listinn leggur mikla áherslu á að efla skólann. Viðbyggingu við skólann lýkur senn, sem gerir einsetningu hans mögulega og bætir verulega starfsumhverfi. Styrkja þarf innra starf skólans í samvinnu við skólayfirvöld og bæta þarf verulega aðbúnað fyrir starfsfólk frá því sem nú er og þessu þarf að vera lokið fyrir upphaf næsta skólaárs. Skólinn leggur grunninn að menntun barna okkar og þar viljum við ekki verða eftirbátar annarra, því eitt af því mikilvægasta sem við vinnum að er framtíð barna okkar. H-listinn hefur lagt á það mikla áherslu að málefni barna okkar verði ávallt með í umræðunni. Standa verður vel við bakið á unga fólkinu og sjá til þess að þau fái að njóta sín, vaxa og dafna hvert á sinn hátt.
H-listinn hefur mikinn vilja fyrir því að byggðar verði smærri íbúðir fyrir eldri borgara sem vilja minnka við sig. Öllum er það ljóst að mikil eftirspurn er eftir slíkum íbúðum, bæði til kaups og leigu. Þetta er uppbygging sem þarf að fara í og vanda verður til verka, bæði skoða vel staðsetningu á íbúðunum og hvaða þjónusta á að vera í boði. Ekki hefur komið nægilega vel fram hvað er í boði, er verið að tala um mat og þvotta, fleira þarf að koma til. Þetta þarf að vinna í samvinnu við eldri borgara sem áhuga hafa og skoða þarfir þeirra, ekki má ana út í framkvæmd sem þessa, það er ljóst að íbúðir fyrir eldri borgara verða að veruleika og vilji er fyrir því.
Í Garðinum er gott að búa, hér er mikil náttúrurfegurð og mikið fuglalíf, við verðum að gera mun betur til að bæta ímynd okkar samfélags. Á þessu sumri hefst stórt átak í gerð gangstétta og gatna. Þetta er framkvæmd sem allir íbúar sveitarfélagsins styðja og mun framkvæmdin auka öryggi gangandi vegfarenda og fegra umhverfið. H-listinn hefur lagt áherslu á þetta verkefni og mun stuðla að því að verkið verði unnið hraðar en áætlanir eru nú uppi um. Með tilkomu verðbréfa í Hitaveitu Suðurnesja hf. er unnt að hraða slíkum framkvæmdum.
Við verðum alltaf að muna að samfélagið byggist upp á fólki, einstaklingum sem hafa misjafnar þarfir og óskir. H-listinn vill beita sér fyrir því að veita öllum íbúum í Garðinum öfluga og góða samfélagsþjónustu, við höfum bjarta framtíðarsýn, kraft og þor og leggjum áherslu á vönduð vinnubrögð til uppbyggingar í Garðinum.
Garðbúar eiga að gera þá kröfu til okkar að við stöndum undir því trausti og þeirri ábyrgð sem okkur er falin, til þess að þetta verði að veruleika bið ég um stuðning ykkar á kosningadaginn X – H.
Hrafnhildur S. Sigurðardóttir
H-listinn hefur mikinn metnað og leggur mikla áherslu á að öll þróun og ákvörðunartaka verði markviss og að fagleg vinnubrögð séu í hávegum höfð. Ég treysti fulltrúum okkar til að standa að málum með þeim hætti.
Uppbygging leikskólans tókst í alla staði mjög vel og er þar unnið afar gott og mikilvægt starf, biðlisti hefur nú myndast enn á ný og huga þarf að því að eyða honum. Starfsemi leikskólans er með þeim hætti að hann þarf að vera í sífelldri endurskoðun. Leikskólamál eru ofarlega í hugum H-listamanna.
H-listinn leggur mikla áherslu á að efla skólann. Viðbyggingu við skólann lýkur senn, sem gerir einsetningu hans mögulega og bætir verulega starfsumhverfi. Styrkja þarf innra starf skólans í samvinnu við skólayfirvöld og bæta þarf verulega aðbúnað fyrir starfsfólk frá því sem nú er og þessu þarf að vera lokið fyrir upphaf næsta skólaárs. Skólinn leggur grunninn að menntun barna okkar og þar viljum við ekki verða eftirbátar annarra, því eitt af því mikilvægasta sem við vinnum að er framtíð barna okkar. H-listinn hefur lagt á það mikla áherslu að málefni barna okkar verði ávallt með í umræðunni. Standa verður vel við bakið á unga fólkinu og sjá til þess að þau fái að njóta sín, vaxa og dafna hvert á sinn hátt.
H-listinn hefur mikinn vilja fyrir því að byggðar verði smærri íbúðir fyrir eldri borgara sem vilja minnka við sig. Öllum er það ljóst að mikil eftirspurn er eftir slíkum íbúðum, bæði til kaups og leigu. Þetta er uppbygging sem þarf að fara í og vanda verður til verka, bæði skoða vel staðsetningu á íbúðunum og hvaða þjónusta á að vera í boði. Ekki hefur komið nægilega vel fram hvað er í boði, er verið að tala um mat og þvotta, fleira þarf að koma til. Þetta þarf að vinna í samvinnu við eldri borgara sem áhuga hafa og skoða þarfir þeirra, ekki má ana út í framkvæmd sem þessa, það er ljóst að íbúðir fyrir eldri borgara verða að veruleika og vilji er fyrir því.
Í Garðinum er gott að búa, hér er mikil náttúrurfegurð og mikið fuglalíf, við verðum að gera mun betur til að bæta ímynd okkar samfélags. Á þessu sumri hefst stórt átak í gerð gangstétta og gatna. Þetta er framkvæmd sem allir íbúar sveitarfélagsins styðja og mun framkvæmdin auka öryggi gangandi vegfarenda og fegra umhverfið. H-listinn hefur lagt áherslu á þetta verkefni og mun stuðla að því að verkið verði unnið hraðar en áætlanir eru nú uppi um. Með tilkomu verðbréfa í Hitaveitu Suðurnesja hf. er unnt að hraða slíkum framkvæmdum.
Við verðum alltaf að muna að samfélagið byggist upp á fólki, einstaklingum sem hafa misjafnar þarfir og óskir. H-listinn vill beita sér fyrir því að veita öllum íbúum í Garðinum öfluga og góða samfélagsþjónustu, við höfum bjarta framtíðarsýn, kraft og þor og leggjum áherslu á vönduð vinnubrögð til uppbyggingar í Garðinum.
Garðbúar eiga að gera þá kröfu til okkar að við stöndum undir því trausti og þeirri ábyrgð sem okkur er falin, til þess að þetta verði að veruleika bið ég um stuðning ykkar á kosningadaginn X – H.
Hrafnhildur S. Sigurðardóttir
