Þakka jákvæð viðbrögð

Mig langar nú þegar kosningabaráttan er á enda að þakka íbúum Reykjanesbæjar fyrir góðar viðtökur og jákvæðni. Nú er það ykkar kjósenda að ákveða hvort þið viljið áframhaldandi meirihluta Sjálfstæðisflokks undir forystu Árna Sigfússonar. Við leggjum verk okkar óhrædd í ykkar hendur. Kosningarétturinn er dýrmætur og ég hvet alla til að nýta hann og fylgja eigin sannfæringu, hver sem hún er.

Ég býð alla stuðningsmenn okkar velkomna í kosningakaffi í kosningamiðstöð Sjálfstæðisflokksins í gamla Félagsbíó og að fylgjast með kosningaúrslitum á kosningavökunni á veitingastaðnum Ránni þegar kjörstöðum lokar.

Georg Brynjarsson
Kosningastjóri Sjálfstæðisflokksins