Suðurnesjamenn, setjið X við D

1) Ef þið viljið fasteignasalann Böðvar Jónsson í landsmálin, -sama hvað það kostar!

2) Ef þið eruð ánægð með hraðvaxandi stéttarskiptingu í þjóðfélaginu.

3) Ef þið viljið greiða okurvexti og verðtryggingu á húsnæðislánin.4) Ef þið trúið enn á ný, loforðum um lækkun skatta.

5) Ef þið hafið áhuga fyrir vexti og viðgangi nýs sérhagsmunaskipulags á íslandi.

6) Ef þið eruð fylgjandi milljarða ríkisábyrgð til handa bandaríska fyrirtækinu deCode.

7) Ef þið eruð fylgjandi undirlægjuhætti við heimsvaldastefnu Bandaríkjanna.

8) Ef þið eruð fylgjandi forgangi útgerðaraðals að auðlindum hafsins.

9) Ef ykkur þykir framganga stjórnvalda gagnvart láglaunahópum, öryrkjum og öldruðum viðunandi.

10) Ef þið eruð ánægð með framgöngu uppstillinga- og kjörnefnda Sjálfstæðisflokksins.

Kjóstu D listann ef þú telur að engra breytinga sé þörf. Gleðilegar kosningar, þitt er valið!

Kveðja,

Gunnar Geir Kristjánsson
Höfundur efnis er ekki flokksbundinn.