Stuðningsfólk Ragnheiðar Elínar hittist á laugardag

Stuðningsfólk Ragnheiðar Elínar á Suðurnesjum hefur opnað kosningaaðstöðu að Brekkustíg 39 í Reykjanesbæ (beint á móti Nettó) og býður Suðurnesjamönnum að koma í hádeginu á laugardaginn, kl. 12.15. Frambjóðandinn mun vera á svæðinu og taka á móti gestum, auk þess sem boðið verður upp á léttar veitingar.

Ragnheiður Elín er oddviti Sjálfstæðisflokksins í Suðurkjördæmi og sækist eftir að leiða lista flokksins áfram í næstu alþingiskosningum en prófkjör flokksins fer fram þann 26. janúar næstkomandi.

Við vonumst til að sjá sem flesta, en hér er tækifæri til að koma saman og skapa stemningu fyrir komandi prófkjör.

Hvetjum stuðningsmenn til að fjölmenna!

Kveðja,

Stuðningsfólk Ragnheiðar Elínar á Suðurnesjum