Stöndum saman: -Suðurnesin í prófkjöri

Kæru Suðurnesjamenn.
Þann 20. janúar n.k. fer fram prófkjör á vegum Framsóknar í Suðurkjördæmi.  Þetta er þriðja prófkjörið í kjördæmi okkar.  Óhætt er að segja að gengi Suðurnesja hafi ekki verið allt of gott í þeim tveimur prófkjörum sem af eru. Fyrir vikið eigum við ekkert öruggt þingsæti.  Sé haft í huga að Suðurnesin eru um 45% af kjördæminu þá er þessi staða óviðunandi.
Ég ákvað að taka áskorun 1976 Suðurnesjamnna um að gefa kost á mér í fyrsta sæti á lista Framsóknar.  Þrír Sunnlendingar hafa þegar gefið kost á sér í annað sætið.  Ég hef verið þingmðaur ykkar í bráðum 12 ár.  Ég vil láta verkin tala  en umfram allt er mikilvægt að Suðurnesin eigi þingmann búsettan á svæðinu.  Til þess þarf ég á stuðningi ykkar að halda í prófkjörinu þann 20. janúar.  Suðurnesjamenn geta sýnt samstöðu þegar mikið liggur við.  Sýnum hana í verki og tryggjum Suðurnesjamann í fyrsta sætið þann 20. janúar n.k.

Með kærri kveðju
Hjálmar Árnason.