Sterk staða Reykjanesbæjar

Það er ótrúlegt hve sumir hafa farið frjálslega með staðreyndir í kosningabaráttunni. Sumir virðast finna þær upp hjá sjálfum sér og erfitt að átta sig á hvað þeim gengur til annað en að vera á móti þeirri uppbyggingu sem Sjálfstæðisflokkurinn hefur staðið fyrir. Einhverjir vitna svo í illa unna ritgerð, uppfulla af staðreyndavillum.

Hér eru nokkrar staðreyndir um fjárhagsstöðu Reykjanesbæjar:

• Íbúafjölgun í Reykjansbæ hefur verið hlutfallslega mest hér af fimm stærstu sveitarfélögum á landinu: eða 3,8% þegar hún var 2,6% í Kópavogi, 2,1% í Hafnarfirði og minna hjá hinum.

• Á sama tíma og gríðarleg uppbygging hefur átt sér stað og íbúum fjölgað hefur fjárhagurinn styrkst.

• Reykjanesbær skilaði 384 milljón króna hagnaði á síðasta ári.

• Eigið fé á hvern íbúa í bæjarsjóði árið 2005 var 318 þúsund krónur, næst á eftir Akureyri og Kópavogi.

• Heildarskuldir bæjarjóðs á hvern íbúa eru næstlægstar, á eftir Kópavogi.

• Í Reykjanesbæ er útsvarshlutfallið lægst af 5 stærstu sveitarfélögum á landinu og íbúar greiða lægstu fasteignagjöldin af íbúum þessara stóru sveitarfélaga.

• Eiginfjárhlutfall bæjarsjóðs hefur vaxið úr 40% í rúmlega 42% á kjörtímabilinu.

• Skuldir hafa verið greiddar niður um 1300 milljónir kr. á kjörtímabilinu.

Tryggjum áframhaldandi uppbyggingu og sterka stöðu sveitarfélagsins. Kjósum Sjálfstæðisflokkinn og Árna Sigfússon á laugardaginn.

Sigríður Jóna Jóhannesdóttir
frambjóðandi Sjálfstæðisflokksins