Slökkviliðsmenn í forvarnarátaki: Seldu tugi slökkvitækja, reyk-og gasskynjara

Slökkviliðsmenn Brunavarna Suðurnesja hafa fengið góðar móttökur íbúa á svæðinu í mikilvægu forvarnarstarfi undanfarna daga.  Átakið, sem er skipulagt af og unnið í þágu Félags Starfsmanna Brunavarna Suðurnesja, hefur byggt á því að ná til sem flestra sem á ferð eru nú fyrir jólin með það að markmið að auka öryggi heimilanna.  Slökkviliðsmenn heimsóttu byggðarlög á útkallssvæði BS þ.e. í Garði, Reykjanesbæ og  Vogum seldu vörur og buðu fræðslu í brunavörum m.a. notkun og virkni eldvarnateppa, slökkvitækja, reyk- og gasskynjara; að auki er boðin uppsetning seldra vara s.s. endurnýjun rafhlaða og uppsetning reykskynjara, slökkvitækja og eldvarnarteppa.  (sjá nánar á bs.is)

Nú eru síðustu forvöð að  nýta sér þetta frábæra tilboð og framtak. Verðum í Jólalandi á Fitjum og á morgunn, sunnudag.  Endilega komið við og kynnið ykkur málin, við tökum vel á móti ykkur. 

Bestu þakkir fyrir góðar viðtökur.  Suðurnesjamenn sameinumst um að eiga “eldtraust”, slysalaus og umfram allt tryggjum okkur gleðileg jól!

bestu þakkir fh. FSBS, Sigmundur Eyþórsson.