Skýr leiðarvísir um menntabrautina

Mennt er máttur, það vita allir en ungt fólk getur orðið ansi áttavillt þegar kemur að því að velja sér námsleið þar sem valmöguleikarnir í dag eru fjölmargir. Ólafi Kjartanssyni, framkvæmdastjóra MOA hefur verið falið að láta úbúa veggspjöld, sem sýna hvaða leiðir þarf að fara í gegnum skólakerfið að ákveðnu mark, s.s. iðnmenntun og háskólamenntun.
Kjartan Már Kjartansson (B) lagði fram þessa tillögu á fundi Markaðs- og atvinnuráðs Reykjanesbæjars í síðustu viku. Spjöldin verða sett upp í grunnskólum og eiga að vera einföld og auðskiljanleg og vinnast í samráði við Skólaskrifstofu, námsráðgjafa og fleiri aðila.