Skoðanakönnun hjá Framsóknarflokknum

Fulltrúaráð Framsóknarfélaganna í Reykjanesbæ hefur ákveðið að efna til skoðanakönnunar meðal framsóknarfólks um uppstillingu á lista flokksins fyrir bæjarstjórnarkosningar í vor. Jafnframt hefur flokkurinn óskað eftir ábendingum. Öruggt þykir að Kjartan Már Kjartansson muni skipa efsta sæti listans en óljóst er með næstu sæti listans.
Skoðanakönnunin á að fara fram dagana 9. og 10. febrúar n.k.

Þeir sem hafa áhuga á að taka þátt eru beðnir um að skila inn framboðum til Gylfa Guðmundsson skólastjóra Njarðvíkurskóla en hann er formaður uppstillingarnefndar. Frestur til að skila inn framboðum í skoðanakönnun þessa rennur út sunnudaginn 20. janúar n.k.

Sími Gylfa er: 421-4380 og netfangið: [email protected]