Sjálfstæðisflokkur fær 7 menn kjörna samkvæmt könnun Talnakönnunar

Niðurstöður könnunar sem Talnakönnun hefur gefið út sýna að Sjálfstæðisflokkurinn í Reykjanesbæ nýtur 60% stuðnings bæjarbúa og myndu þeir því fá 7 menn kjörna og hreinan meirihluta. Þess ber þó að geta að könnunin er mjög lítil en aðeins 245 manns svöruðu könnunni sem Talnakönnun hefur gert fyrir vefsvæðið heimur.is og 49% aðspurðra voru óakveðnir eða vildu ekki svara. Þá kemur einnig fram að Sjálfstæðisflokkurinn nýtur meira fylgi meðal karla en kvenna. Sjálfstæðisflokkurinn í Reykjanesbæ hlaut 60% stuðnings bæjarbúa samkvæmt niðurstöðum könnuninar sem gerð var 17. apríl en Framsóknarflokkurinn naut 15,1 % stuðnings og Samfylkingin í Reykjanesbæ fær 24,5% fylgi.